ანონიმური ჯგუფი “ნასვამი ჩოჩორი” 12 წლის წინ მლეთაში გაუჩინარებულ გურამ დადიანიძის საქმის შესახებ ახალ ვიდეომიმართვას ავრცელებს

“ეს არის ნოდარ კიკნაძე, ერთ-ერთი მათგანი, ვინც გურამ დადიანაძესთან ერთად იმყოფებოდა ექსკურსიაზე. ჩვენ თითოეულ მათგანზე ინფორმაციებს დეტალურად ვიკვლევთ და ამ პროცესის შედეგად აღმოვაჩინეთ, რომ 2014 წლის 11 ივნისის თარიღით დარეგისტრირდა და გაიცა რუსული პასპორტი ნოდარ კიკნაძის სახელზე. ეს ის დღეა, როდესაც გურამ დადიანაძე ქრება. თავად ნოდარ კიკნაძე ვერ დარეგისტრირებდა პასპორტს, რადგან ამ დროს ის დანარჩენ ბავშვებთან ერთად იმყოფებოდა მლეთაზე, რაც იმას ნიშნავს, რომ აღნიშნული პასპორტი კანონდარღვევით არის გაცემული” – ნათქვამია ანონიმური ჯგუფის “ნასვამი ჩოჩორის” ახალ ვიდეომიმართვაში.